تيجى تصيده يصيدك بقلم نرمين همام

تيجي تصيده يصيدك
بقلمي نرمين همام قصص نيمو
اتقدمت لها والغريبه ان امي وافقت عليها ابوها رفض وفضلت سنه رايح جاي علشان يوافق وللعلم انا امي بخيله لكنها كانت بتديني اللبن والبيض وشويه من الخضار اللي عندنا في الارض وتقول لي ابعته لها كنت مستغرب
امي افتكرت ان انا هجيب لها في البيت خدامه لكن الواقع كان غير كده خالص ويا ريتني سمعت كلام اخويا الكبير وسكنت بره البيت لكن اعمل ايه مش هيبقى انا وهو واختي بعيد عن امنا ومهما كان ست كبيره ولازم نستحملها وعلى راي اللي قال بيت عيله لأ
مفارقات كثيره حصلت هو انا بتكلم كثير ليه ادخلوا قروها هتعرفوا ان الست ما حدش يقدر عليها

وانا دلوقتي اللي بقول يا ريت ابوها ما وافقش على الجوازه يا ريته رفض ان اخطب بنته
بيت عبد ربه
عبد ربه
مبروك يا عروسه انا شلتك زي ما قلتي مع اني مش في عادتنا ان العريس يشيل عروسته لكن انت حبي سبع سنين تعملي اللي انت عاوزاه
هناء بخجل
يخليك ليا يا عبد ربه وما يحرمنيش منك ابدا ولا من طيبتك وحنيتك هو في حد زيك كنت كل
اقعدي هنا يا عروسه جنبي على السرير احنا هنقضي الليله في امي وامك واللبن والبيض ده انا بكره اكلك بالسمن البلدي والعشه مليانه فراخ تحطي ايدك كده وتاخدي وامي زي ما انت شايفه غلبانه طول النهار ماسكه الخرزانه وقاعده قدام الدار
هناء
هاجي اقعد جنبك ان ما كنتش تحلف بس
الصبح امام الدار
ست
صباحيه مباركه يا ام العريس صباحيه مباركه يا ام عبده هي ام العروسه جابت الكحك ولا لسه
ام عبده
وانت مالك تجيبي الكحك ولا ما تجيبش وليه عينيها فرغه امشي يا وليه من هنا لزقلك بالطوب
ست
اعوذ بالله عليك وليه ربنا يكون في عون مرات ابنك دي ياما هتشوف ايام سوداء على ايدك انت وابنك
فتحي
صباح الخير ياما عامله ايه يا حبيبتي هاتي يدك ابوسها
ام عبده
اهو صباح وخلاص
فتحي بيضحك
مالك هي العروسه لقيتك في ايه
ام عبده
ما لكش دعوه بالعروسه كفايه يا اخويا مراتك اللي خليتك تسكن بعيد عني  وأمرتك  هي واهلها تقسم ارض ابوك انا بقى هكتب نصيبي في الارض لعبده حبيبي اللي بيسمع كلام امه
فتحي بيضحك
هقعد هنا على السلمه جنبك ياما ربنا يخلي لك عبده وبكره عبده يخلف لك عيال كثيره وهم يشتغلوا عندك بدل الفلاحين اللي بتاجريهم باليوميه
ام عبده
ما هو ده حلم يا ولا عايزاه يجيب 10 عيال ويشتغلوا كلهم في الغيط اما انت كفايه عليك مراتك وعيالك اللي ما بيحبوش يعملوا حاجه ولا بيساعدوا
فتحي
يا اما حرام عليك دي مراتي مسقطه مرتين بسببك اتقي الله ان ما كانش بس ربنا قايل لنا نراعيكي وحياه رحمه ابويا ما كنت جيت
ام عبده
قوم يا واد من هنا ولا اقول لك انت حبيبي هات لي حته التوبه الكبيره دي علشان اسند بيها الباب
فتحي
اهي ياما دي صغيره هتسندي بيها باب ايه
ام عبده
 خد حسند بيها باب دماغك خلي مراتك وعيالك ينفعوك امشي من هنا وعلى الله اشوف وشك
فتحي  پألم
حرام عليك ياما ده انا كنت نسيت ما قلبك تضحكي عليا وتقولي اديني التوبه وتضربيني بيها اهو اديك عورتيني في دماغي هي في ام تعمل كده فضيناها
ام عبده
كلمه كمان وهصوت والم عليك البلد كلها امشي يا ولا غور من هنا روح لمراتك وعيالك وخليها تنفعك
بيت فتحي
حسنه
معلش يا ابو محمد انت عارف امك طبعها كده ودماغها على قدها
فتحي
ما تقوليش كده على امي ده انت اللي دماغك على قدك دي دماغها توزن بلد دي هي اللي كانت بتحوش القرش  على القرش وجابت الارض دي كلها وكتبتها باسم ابويا كان بيحبها وصابر عليها
حسنه
الله يرحمه الا ابوك كان شكله حلو اخذها اتجوزها ازاي ولا بص لها ازاي