النصيب

كانت العيلة كلها ملمومة في شقة جدي فهو اتكلم
قال انه جات له فرصة سفر برا و حيسافر
الكل بارك له و فرحله قمت انا
قلت انه حاجيب حاجة من شقتنا ورحت قبل ما حد يشوف دموعي طلعت على السطح و قعت اعيط جيه هو من وراية
قال كنت عارف اني هلاقيكي هنا مردش عليه عشان ميظهرش اني بعيط جيه وقف قدامي
قال لي كلها كام سنة وهرجع تكون انتي خلصتي جامعة .اټصدمت
قلت هو انت هتيجي بعد مخلص جامعة دا انا في سنة اولة انت هتغيب كله دا و كمان مقولتليش حتى خلتني اتفاجئ قدام الكل
.قال ما انا رايح عشان اقدر اخطبك من عمي اجيب شقة وعفش واعمل فرح انا لو قعدت هنا عمري ما هعمل حاجة يا ياسمين

...بس .... سكتني وقال مبسش انا مش عايزك تضيعي مني ... سكت و بصت له نفسي اشبع منه قلت بس انت هتوحشني يا أسر
قالي وانتي كمان هتوحشيني اوي بس انت بعمل كدا عشانا و عشان نبقى مع بعض اټخضيت و اتكسفت زيادة وقلت بس لحد يشوفنا لقيته بعد و قال انتي بتقولي فيها والله ياعمي ما تفهم غلط
لفيت لقيت بابا متعصب جدا و جيه ضړب أسر قال انت اللي مفروض ابني انت اللي اامنك على بيتي وبناتي دا انت اللي بقولها لما تشتكي من تحكمك فيها دا ابن عمك وعارف مصلحتك وانتو بتستغفلونا من امتى ها وانتي بنتي اللي بثق فيها عايزة تكسريني و توطي راسي عيطت وقلت والله يا بابا اول مرة ضړبني بالألم و قال ياخسارة تعبي فيكي ياخسارة تربيتي و صوت زعيقه لم الكل و محدش فاهم حاجة بابا خدني على اوضتي و رماني على الأرض وقفل الباب و الكل كان اتلم فشقتنا و أسر بيحاول يفهم بابا و بيقوله والله ياعمي مالانت فاهمه صح انا عمري مامسكتش ايدها .بابا زعق فيه قاله عايزني اكدب عنيا سد بوزك ياولد و انجر اطلع شقتكم و مشوفكش مقرب ناحية بنت عمك تاني ووجه كلامه لبابا وانت اهدا يا خالد انا حاتصرف معاهم هم الاتنين
بعد مسافة كدا جدي جيه يتكلم معايا كان باين عليه الزعل
الجد ليه يابنتي دا انتي اللي بقول عليكي عاقلة وعارفة الغلط والصح والحلال والحرام تيجي تعملي كدا
وانا عياط بس مش قادرة ارد انا عارفة غلطي
الجد اتكلمي يا بنتي ليه كدا
ياسمين والله مش بأيدي انا بحبه و عارفة انه غلط بس انا هاعمل ايه قلبي مش بأيدي
الجد وانتي بتحبي حد مابيحبكيش
مسحت دموعي و قلت بسرعة ولهفة
ياسمين لا يجدو والله بيحبني
الجد اللي بيحب حد بيحافظ عليه حتى من نفسه بيغيرو للأحسن مش للأسوء صح يا بنتي
ياسمينصح يا جدو بس هو والله بيحبني
الجد عارف انه بيحبك بس لازم تعرفي ان دا غلط و ميرضيش ربنا و اي علاقه يابنتي بدايتها ما ترضيش ربنا نهايتها كمان ما ترضيش ربنا
قام عشان يروح فا ناديت عليه
ياسمين وبابا يا جدو
الجد باباكي سبيه دلوقتي و بكرة حاولي صالحيه ماشي
ياسمين ربنا يخليك لينا يا جدو ... هو وانا ممكن اطلب منك طلب
الجد أمري يا حبيبتي
ياسمين انا كنت عايزاك تقول حاجة لأسر
بصلي بنظرة حادة
ياسمين يا جدوو
عشان خاطري هو حيسافر وانا مش هشوفو تاني 
انا عايزاك بس تطمني عليه و تقوله اللي حقولك عليه
الجد لا تطمني اي دا ابوكي اتوصى فيه جامد ويلا بطلي عياط و قولي عايزة ايه
بستو من خدو وقلت له
ياسمين قوله يسافر و ان انا بحبه وهفضل استناه لحد ميرجع انه يمسح رقمي و لو هو نصيبي هيلاقيني وانا كمان و ان يصالح بابا قبل ما يسافر و يقول له انه خلاص مافيش حاجة بينا تاني و دا فعلا
وقالي
الجد ربنا يكملك بعقلك يلا نامي و ابقي الصبح حاولي مع ابوكي
ياسمين حاضر يجدو
.و شكرا لانك سمعتني و فهمتني غلطي براحة انا كنت فاكرة انك جاي تكمل ضړب بعد بابا
الجد ابوكي بيحبك و على اقد حبه وثقته فيكي وفي أسر اللي كان بيعتبرو ابنه على قد صډمته وحس انه انتو استغفلتوه
جدو راح وانا قفلت الباب وفضلت اعيط
.....عند أسر
كنت رايح جاي انا ما كانش قصدي اللي حصل انا غلطت وهي اضربت بسببي و دلوقتي مش عارف اعمل ايه و مش عارف بيعملو فيها ايه
أسر يارب احميها يارب
جدو جيه وقال لي كدا يبني كدا تستغفلنا و تكسرو ثقتنا فيكم
أسر والله يا جدو انا بحبها ووالله عمري ما فكرت فيها غلط ولا هي كانت بتسمح بدا بس والله اول مرة و كانت غلطة و ندمت اني اتسرعت وسمعت للشيطان دا انا بخاف عليها من الهوا الطاير يعني مستحيل اعمل معاها حاجة غلط
الجد بس غلط واديها اضربت و لسه انت عارف اللي فيها وانها مش هتسلم من مرتات اعمامك صح
أسر عارف يجدي .... انا خلاص هسافر عشان اقدر اتجوزها
الجد لو نصيبك هتلاقيها
أسر لا ياجدي لو اتجوزت اموت فيها . دي هيا اللي مصبراني علي الدنيا انا مليش غيرها يجدي مليش ولا ام ولا اب ولا اخوات هي اللي مدياني امل في الحياة
الجد بمحاولت تلطيف الجو ايه يولد مليش حد فدنيا وانا ايه رجل كرسي
ضحكت و بته راسو وأيده
أسر دا انت الخير والبركة. انا لولا وجودك بعد بابا وماما الله يرحمهم انا كنت هكون في الشارع
الجد يلا يا ولد بلاش نكد يلا روح نام عشان تشوف تجهيزات سفرك و تصالح عمك قبل ما تسافر دا بيعتبرك زي ابنه
أسر بندم وراسه في الأرضحاضر يجدو
صحيت تاني يوم و طلعت ادور على شغل كالعادة بشاهدتي اللي بقيت احس انه مالهاش لازمة بجد و دي كانت اخر محاولة كنت بحاول القي حل غير السفر مش عايز اسافر حاسس انه لو سبتها و سافرت حيجوزوها انا عارف انها بتحبني و هتحاول بس انا كمان عارف عمي ومراته وان ياسمين مش بتعرف تدافع عن نفسها او ترفض كل حاجة كانت بتعملها ڠصب عنها دا حتى دراستها مخلوهاش تدرس اللي نفسها فيه .. فضلت ادور من شركة لتانية ولكن كالعادة الوظايف كلها بيخدها اللي معاه واسطة .. رحت البيت و لقيت عمي ابو ياسمين وقفتو قالي عايز ايه يا كلب قلت ليه عايز اتكلم معاك قال لي مفيش كلام مبينا قلت له و رحمت ابويا وغلاوته عندك تسمعني .. قال لي قول عايز ايه .. قلت له عايز اعتزر منك اعتبرني ابنك وغلط ووالله عمري ماهقرب من ياسمين انا كدا كدا مسافر و مش هتشوفني قريب بس انا مش عايزك تكون زعلان مني انا بحبك وبعتبرك زي ابويا .. انا هسافر بعد بكرة يمكن اموت او الطيارة
تتقلب بيا . قالي بعد الشړ .ابتسمت له و قلت له ربنا يخليك ليا و بت ايده وراسه قلت له حڼ بقى عشان يمكن بكرة و بعده متشوفنيش قال لي امشي انا اصلا مش عايز اشوفك يلا روح من وشي
ضحكت