اترفضت ولكن بقلم ماء البحر

ماخدتش بالي
نجلاء بعصبية لأ بقى أنت حكايتك طولت معايا قول إنك عايز ټنتقم مني عشان رفضتك
مؤمن بسخرية يعيني تصدقي إني شاغل بالي بيكي ليل نهار أصل مابقاش فاضل غيرك عالكوكب يعيني
نجلاء بعصبية بص يا أخ أنت شوف طريقك وأتمنى مانتقابلش تاني عشان خلاص زهقت
راحت نجلاء على شغلها وهي متعصبة من مؤمن جدا حاولت تهدي نفسها وتروح على قسم الاكسسوارات اللي بتشتغل فيه لقيت زميلتها هناك واقفة سلمت عليها وقعدت على كرسي هناك
فتحت مصحفها وقعدت تقرأ فيه بخشوع وتدبر
بعد ساعتين اتصلت أختها عليها ردت عليها ولكن بعد ثواني وقفت پصدمة وقالت جاية على طول

قالت للبنت اقفي أنت بقى النهاردة وسدي مكاني لأن في مشكلة دلوقتي
وماستنتش ردها وطلعت على الشارع وركبت وفي طريقها لعند أختها
كانت واقفة عند الشباك بتجيب وصل المصاريف وكان زحمة أوي والبنات 
خاڤت تتكلم مايصدقوهاش وانكسفت تزعق وتصرخ عشان يبعد إيده عنها
لقيت بنت شدتها ماتعرفش طلعت منين دي وبالموبايل اللي في إيدها وخبطته في أسنانه
الكل بدأ يبص وبيتفرجوا ومايعرفوش إيه اللي حصل عشان البنت تعمل فيه كدا
البنت بصړاخ وزعيق اسمها ألين 
لو الناس مش شايفاك فربنا شايفك .. شوية عرر ملت البلد قرفتونا في حياتنا صنف عايز الحر ق
الولاد بصوا عالبنت اللي كانت بټعيط اسمهاندى وباين عليها الكسوف والخۏف جريوا عليه مسكوه فرموه وبعدها الخبر وصل لعميد الكلية فحرمه من دخول الامتحانات
طبطبت ألين عليها وهي بتقول خلاص اتعاقب على عملته السودا وبعدين مش تسيبي حقك كدا ولازم تعملي ردة فعل عشان حد يتصرف ماتخافيش
ندى بعياط أول مرة أتعرض للموقف دا
أنا هرن على أختي تيجي ليا أنا مابقاش فيا أعصاب
ورنت على أختها نجلاء اللي أول ما عرفت سابت الشغل وراحت ليها وفضلت ألين معها ليحصل لها حاجة
عند نجلاء واقفة مستنية وسيلة مواصلات عشان توديها الجامعة
لأختها وهي خاېفة عليها جدا
أخيرا لقيت مواصلة وراحت لأختها بعد فترة وصلت هناك واتصلت عليها عشان تشوف هي قاعده فين
ردت عليها ندى وقالت لها على مكانها وراحت لها نجلاء على هناك اللي أول ما شافت أختها حضنتها
نجلاء بهدوء اهدي يا حبيبتي...فين الكلب دا عشان أعرفه إزاي يعمل فيكي كدا
ردت ألين عليها وقالت اتعمل معه الواجب وزيادة
قالت ندى دي ألين اللي وقفت معايا وحكت ليها اللي حصل بالظبط
نجلاء بامتنان تسلمي يا ألين مش عارفه أرد جميلك مع أختي إزاي
ألين بابتسامة أنا اعتبرتها أختي خلاص وخدت رقمها وبعد كدا هنبقى مع بعض
نجلاء وأنا هبقى مطمنة عليها عشان هتبقى صاحبة بنوتة جميلة زيك وجدعة تعالوا بقى نروح كافيه نشرب فيه حاجة بدل ما ريقنا نشف من الموقف اللي حصل دا
ألين مش هعرف أجي معاكوا أصل ابن خالي جاي ياخدني دلوقتي عشان عندي مشوار ضروري وهو عارف المكان وكدا
نجلاء طب لو قدامه كتير تعالي نشرب أي عصير بسرعة لغاية ما يوصل
ألين كلمته وقالي قدامه تلت ساعة وهيجي
نجلاء خلاص يلا بينا عشر دقايق مش هنأخرك على ميعادك وكمان الكافيه على أول الشارع نزلت عنده وأنا جايه
ألين تمام ماشي طالما مصرة
وراحوا عند الكافيه اللي شافته نجلاء وقعدوا طلبوا عصير وفضلوا يتكلموا ويتعرفوا أكتر على بعض
فلقيت ألين موبايلها بيرن لقيته ابن خالها فردت عليه وقالتله عالمكان اللي هي فيه وراح لها هناك
فقالت ألين للبنات ابن خالي جاي علينا أهو بعربيته هقوم بقى
جه ابن خالها ونزل إزاز شباك العربية وبص عليها لقاها واقفة مع نجلاء وأختها
فبصت نجلاء مكان ما بتشاور ألين فلقيته مؤمن
فقالت پصدمة مؤمن! هو