ڤضيحه ام

حتقولى اخر سنه مثلا
حياة لاء اصل حصلت ظروف عندنا فاضطريت اسيب الدراسه فترة وارجع تانى
نور ربنا معاكي يا قلبي انتي تستاهلي كل خير انا عمرى ماحنسى انك شيلتى عنى الهم فى اكتر وقت كنت حزينه فيه
حياة متقوليش كده يا نور انا معملتش حاجه
وانا والله ماكنت اتمنى انى اكون بكلمك عشان طلب
بس لما الدنياضافت فى وشي قلت اقولك
نور ان شاء الله حتصل بيكى بكرة واقولك
وحسجل رقمك دلوقتى على طول
حياة تمام وانا مستنياكى يانور
تغلق معها التليفون وهى تدعوالله
فيرن تليفونها فترد
ازيك يا ام علا عاملين ايه
ام علا طمنيني عليكي انتي ياحبيبتى معلش فى مشاكل هنا فى البلد

وعم الولاد تعبان اوى وابو علا محتاس بيه
حياة ربنا
يقويكم ويعينكم حترجعوا امتى انا حسه انى يتيمه من غيركم
ام علا معلش يا حبيبتي حقك علية والله انتى كمان وحشتينى اوى احنا كنا فاكرين ان الموضوع اسبوع واللا عشر ايام مكناش تعرف ان الدنيا هنا حتبقى بايظه كده
المهم طمنينى عامله ايه فى المذاكره
حياة الحمد لله
والله
ام علا طب معلش ياحياة حماتى بتنادى علية خللى بالك من نفسك
وادعيلنا الامور تهدى عشان نرجع انا اتخنقت هنا
حياة ترجعوا بالف سلامه انا كمان محتاجاكم اوى حياتى وحشه اوى من غيركم
ربنا يرجعكم لية بالف سلامه
تغلق حياة التليفون وتبكي على حالها
فتقوم وتتوضا لتصلى وتدعو ربها ان يفرج عنها ماهى فيه من هموم
ياتى الصباح يعلن عن ميلاد يوم جديد لتتغير معه حياة البعض للأحسن وحياة البعض الاخر للاسوا
فى الصباح الباكر يستيقط فريد من نومه على صوت شهد فى الحمام وهى تتقيئ
فريد تعالى ياشهد استريحى
شهد تعبانه اوى يافريد مش قادرة
فريد معلش ياشوشو استحملى بس الشهرين دول وبعد كده ان شاء الله حتبقى زى الفل
شهد انت حتتاخر النهارده
فريد لا ياحبيبتى حخلص شغل وارجع على طول لما تفوقى كده اتصلي علية اجيبلك كل اللى انتى عاوزاه
شهد ربنا يبارك لي فيك يا رب
انت اجمل هدية لية من ربنا
فريد ده انا اللى امى دعيتلى فى ليلة القدر
انا عمرى ماتخيلت انى ححب بالشكل ده
شهد بتحبنى يا فريد
فريد وهو يقبل يدها بحبك دى كلمه قليلة على الإحساس اللى حسه ناحيتك قولى بعشقك بمۏت فيكى
حبيبتى انتى الحب كله ربنا يخليكى لية ياحبيبتى يارب وتقوميلي بالف سلامه
شهد طب انا عاوزة استئذنك فى حاجه
فريد انتى تؤمرى ياقلب فريد
شهد عاوزة انزل الشغل
فريد تنزلى فين ياقلبي ده انتى بتنامى وانتى بتكلمينى
عاوزه تدخلى المعمل وتنامى عشان تفجرى الشركه
لاياروحى انسي وبعدين هو انا قصرت معاكى فى حاجه ياشهد
شهد لا والله ابدا ياحبيبى انت مش مخللى نفسي فى حاجه
بس انا زهقت من قعدة البيت ونفسي اخرج واشوف الناس
فريد طب روحى عند مامتك او عند مامتى والله دى بتحبك اوى
شهد وانا كمان والله بحبها بس انا عاوزة اشوف ناس جديده
فريد بصي ياشهد خلاصة الكلام مفيش نزول للشغل غير لما تبقى كويسه ولو علية انا مش عاوزك تنزلى اصلا
شهد خلاص ياسيدى بس متأفش كده
فريد 
يالهوى لاء بصي انا مقدرش على كده انتى معندكيش اخوات صغيرين اللا ايه
شهد هههههه هههههه هههههه
فريد لاء خلاص انا مش رايح الشغل
شهد هههههه قلبك ابيض ده انا خمس دقايق وحكون فى العالم الاخر
يتركها فريد ويذهب الى عمله بينما شهد تحدث نفسها احمدك يارب واشكر فضلك
ثم تتذكر رفيقة عمرها
ياحبيبتى ياحياة ياترى انتى فين وعامله ايه ياحبيبتى ربنا يجمعنى بيكى على خير يارب
ثم تضع يدها على بطنها وانتى يااستاذه ياللى جوة ياللا اخرجى بقى عشان حياة ترجع تنور حياتى تانى
فى داخل المصنع
ياسر فين هبه مجتش ليه النهارده
احد العمال امها تعبانه اوى فى المستشفى شكلها كده حتموت
ياسر طيب واجب بردو اروح ازورها
يتجه ياسر الى المشفى ليرى هبه جالسه تبكى بحرقه على امها
بينما اخيها يتكلم مع احد الاطباء عن حالتها السيئه
ياسر ايه يا هبه مامتك عامله ايه
هبه وهى تبكى بحرقه على امها تعبانه اوى ماما حتروح منى وانا مليش حد غيرها
ياسر وانا رحت فين بس مانا جمبك اهوه
بينما ياسر فى نفسه واللا وقعتى فى ايدي ياقطه
وحعرف استفرد بيكى
بينما على الوجه الاخر
كانت ياسمين تتحدث الى تيم فى التليفون
تيم ياحبيبي بقالك يومين مكلمتنيش
تيم كنت فى رحله مع صحابي ومش فاضيلك
ياسمين ايه ياتيم مالك بتكلمنى كده ليه
تيم نعم ياقطه انتى حتعرفينى اكلمك ازاى
ياسمين ايه ياتيم هو مش انا مراتك ومن حقى اعرف جوزى فين ومع مين
تيم هههههه هههههه ههههههه
قولى تانى كده سمعينى تانى اللى قلتيه
مش تيم ياحبيبتى اللى واحده تقولله رايح فين وجاى منين
اعرفى حدودك والزميها انتى فاهمه
وتكونى موجوده فى الشقه بعد المغرب
ياسمين لا مش حينفع المرة اللى فاتت بابا اټخانق معايا وحلف لو رجع وملقانيش مش حيخرجنى تانى من البيت
تيم نعم ياحلوة لا بصي انا ميمشيش معايا الكلام ده وكلمتى تتنفذ انتى فاهمه
واللا وربى لكون مقطع الورقتين ولاتعرفينى ولا اعرفك
ياسمين لاء حاضر انا حتصرف واجى
واوعى تقول كده تانى تيم انا بحبك اوى
تيم تبقى تسمعى الكلام وتنفذيه
انتى فاهمه
ياسمين حاضر حاضر
تغلق الهاتف بينما تدخل عليها امها
كنتى بتكلمى مين ياياسمين
ياسمين دى واحده صاحبتى ياماما تعبانه اوى ولازم اروح ازورها
امها حتروحى امتى
ياسمين بعد المغرب
امها وابوكى يافالحه انتى ناسيه انه حالف عليكى
ياسمين مانتى تسدى مكانى بقى لحد ماارجع ولو خصل حاجه كلمينى حاجى على طول
امها ربنا يستر شكلك حتودينا فى داهيه
ايه يافالح قعدت تعملي فيها سيد الرجاله وتقوللى حخلصك
منه واهو قاعدلى زى الكبه ده لو كان دكر بط كان نفعنى عنه
محسن عيب عليكى ياوزة ده انا بس بتكتك له عشان حيخرج مش حيرجع تانى
تطرق نور على باب غرفة اسر
اسر ادخل
نور صباح الفل على احلى اخ فى الدنيا
اسر طب تعالى جمبي يابكاشه
تصعد نور بجانب اخيها على السرير
اسر ياللا ادخلى فى الموضوع على طول عاوزة ايه
نور امممم كده بردو يااسور دايما فاهمنى صح
اسر هههههه عيب عليكى يابنتى ده انا اللى فاقسك
نور ايه ده اسر بيتكلم زينا
هههههه
اسر طب ياللاادخلى فى الموضوع عشان رايح المكتب
نور فى واحده صاحبتى بتدور على شغل ممكن تساعدها الله يخليك عشان هى غلبانه اوى وملهاش حد
اسر تهمك اوى
نور اوى اوى ياحبيبى
اسر معاها ايه وعندها كام سنه
بص هى عندها تقريبا حوالى اربعه وعشرين خمسه وعشرين سنه
وهى طالبه فى اعدادى طب
اسر وده ازاى يعنى
نور كان عندها ظروف منعتها فترة انها تكمل تعليمها ولما الطروف اتحسنت رجعت تانى
اسر بس دى شاطرة على كده
نور وجدعه اوى يااسور تحسها بنت بلد
اسر طب تعرفى تجيبيها وتجولى المكتب النهارده وحشوفلها شغلانه عند حد من حبايبنا
نور وهى تقبله منحرمش منك يااحلى واجدع اخ فى الدنيا
الا صحيح هى الكونتيسه فين مش باينه يعنى
اسر وليه العكننه دى عالصبح
نور حبيبى وانت ايه اللى مصبرك عليها بس ماتطلقها وترتاح والله انت تستاهل ست البنات
اسر اعمل ايه بس خاېف جنى تزعل منى
نور لسه بتحبها يااسر
اسر بحبها وحفضل طول مافية نفس بحبها
جنى دى اول كل حاجه حلوة كانت معاها
اول ضحكه معاها
اول طعم للفرحه كان معاها
اول مرة اسمع كلمة بابا كان بفضلها
وحاجات تانيه انتى ملكيش دعوة بيها
نور هههههه اه ياشقى
نور طب بقولك ايه يااسور
اسر قولى ياعيون اسور
نور احم احم قصدى يعنى بس متشخطش فية
اسر لا ياستى مش حشخط فيكى عاوزة ايه
نور كنت عاوزة اعرف ازاى انت بتحب جنى الحب ده كله ومع ذلك قدرت تتجوز وكمان كنت عاوزها تخلفلك ولد
يعنى انت ازاى او يعنى كده يعنى زى المتجوزين وانت جوة قلبك واحده تانيه
اسر وليه زى مااحنا فعلا متجوزين
بصى يانور انا حفهمك
فاكرة يانور لما تيته الله يرحمها ماټت انتى عملتى ايه
نور طبعا يااسر دى كانت حبيبتى واكتر حد حبيته فى الدنيا
ده انا كنت حموت
واسر وموتى بعدها
نور لاء مموتش
اسر طب نسيتيها
نور عمرى مانسيتها يااسر مانت عارف انى بروح كل يوم جمعه المقاپر واقعد احكيلها عن كل حاجه واحس انى ارتحت وبعدين ارجع
اسر وبترجعى ازاى
نور برجع جعانه هههههه واضحك واكمل يومى
اسر يعنى حياتك موقفتش بمۏتها ولاحتى اليوم اللى بتكونى فيه عندها بترجعى مش عاوزة تشوفى حد
عارفه ليه يانور عشان دى سنة الحياة
الحياة مبتقفش عند حد ولازم تمشي بس ربنا وحده العالم باللى فى القلوب
اه اتجوزت وعايش حياتى بشتغل وكنت عاوز اخلف كمان
لكن هل ده معناه انى نسيت جنى والله ابدا ولا فى حاجه فى
الدنيا ممكن تنسينى جنى الله يرحمها كفايه البنات اللى كل مابشوفهم بشوفها ادامى
لكن العلاقه اللى بتتكلمى عنها دى حاجه فطريه بس لما يكون فيها حب بتبقى حاجه تانيه خالص
يعنى مثلا مع جنى كانت كل حاجه ليها طعم
الحضن ليه طعم
نور اه وايه كمان
اسر ايه ده ايه اللى
انا بقوله ده امش بابت اطلعى برة امشي
نور هههههه هههههه طب متزقش
تخرج نور من الغرفه وهى تضحك بشده فتجد امامها ملك
ملك ايه ياقمر ضحكينى معاكى
نور ولا حاجه ياقلبى
عامله ايه مع فارس
ملك فارس هو فى حد تاعبنى غير فارس
ربنا يهديه ويصلح حاله يارب
نور ملك انتى بتدعيله
ملك وهو انا لو مدعتش لفارس حدعى لمين
فارس ده اول حب فى حياتى ده هو كل حياتى
نور والله مافى حاجه مخلياه يركب ويدلدل رجليه غير القلبه اللى انتى فيها دى يااختى اتقلى شويه خليه يعرف قيمتك
ملك بحبه يانور بحبه
كان اسر يسمع هذا الحوار من الداخل فقد كانوا يتكلمون بالقرب من غرفته وصوتهم كان عالى
فاخذ يحدث نفسه
والله انتى خسارة فيه ياملك انا مش فاهم ازاى فارس يبقى معاه ملاك كده وميقدرش قيمتها
ده اللى زى ملك المفروض تتشال عالراس هو فى حد يطول مراته تحبه الحب ده كله
ربنا يهديك يااخويا يارب
تجرى نور وتمسك بالتليفون وتتصل على حياة التى تنتظر مكالمتها بفارغ الصبر
ترد حياة بلهفه ايوة يانور
نور ايه ياقمر عامله ايه
حياة الحمد لله
نور طب بصي اعملى حسابك تلبسي وتجهزى وتقابلينى بعد ساعتين على محطة ترام محطة الرمل
حياة لقيتيلى شغل
نور لما اشوفك ححكيلك المهم بعد ساعتين بالظبط ومع بعض عالتليفون
حياة تمام يانور ساعتين وحتلاقينى عالمحطه
بعد مرور ساعتين
نور وهى تقبل حياة ازيك ياحياة عامله ايه ياحبيبتى
حياة الحمد لله والله انا اسفه يانور حتعبك معايا
نور متقوليش كده ياعبيطه احنا صحاب
ياللا بينا انا راكنه العربيه فى شارع جانبي
حياة هو احنا رايحين فين
نور خمس دقايق وحتعرفى
تدخل نور مكتب واسع به العديد من الحجرات وكل من يراها يسلم عليهافهى دائمة الذهاب الى مكتب اخيها
ثم تطرق على باب حجرته وتدخل
كان اسر مركز انتباهه فى الاوراق التى أمامه
فرفع راسه على صوت نور
وهى تلقى التحيه السلام عليكم ورحمة الله وبركاته
اسر وعليكم السلام
اتفضلوا ياجماعه
تجلس نور وتجلس حياة ايضا
اسر تحبوا تشربوا ايه
حياة متشكرة اوى
نور لا متشكرة ايه ده اسور الكرم كله
فتقول وهى تضع قدما على الاخرى هاتلنا كابتشينو
اسر وهو يضحك اوامرك