ڤضيحه ام

الله يكون فى عونك كلية الطب انا عارف انها صعبه اوى
وانتى الفترة اللى فاتت تعبتى فيها اوى عشان كده انتى ليكى عندى مفاجاة
حياة مفاجأة ايه يااستاذ اسر
اسر بصي ياستى دلوقتى انا عندى قضيه الاسبوع الجاى فى الاقصر وحقعد هناك ٣ايام ولازم يكون فى حد من المكتب معايا وللاسف اليومين دول عندنا فضايا كتير ومش حيتفع حد من المحامين اللى هنا يفرغ نفسه ويبجى فانا بقول ايه رايك تربحى اعصابك شويه من فترة الامتحانات اللى فاتت وتبجى معايا انتى
حياة اجى معاك ازاى يعنى
اسر حتيجى معايا ياحياة الاقصر
ومش حتندمى حتظبطيلى المواعيد وتروحى معايا المحكمه وتريحى اعصابك شويه

حياة ايوة بس حضرتك ده مش حينفع
اسر مش حينفع ليه ياحياة
حياة يعنى انى انا وحضرتك نسافر لوحدنا وكده يعنى
اسر ههههههه لا اطمنى ياحياة انا اخاڤ عليكى اكتر من نفسك انتى متعرفيش غلاوتك عندى اد ايه
وبعدين اطمنى كل واحد فينا حيكون ليه غرفه مستقله
وصدقينى مش حتندمى
حياة طب معلش ممكن تدينى فرصه افكر
اسر ماشي ياحياة بس متتاخريش علية فى الرد عشان لو مش حتيجى معايا الحق اتصرف
حياة حتتصرف طيب ماهو لو ينفع تتصرف ماتتصرف من دلوقتى
اسر وهو يشعر بخيبة امل حضطر اخد المزعجه
حياة فرح
اسر اكيد فرح هو فى غيرها
انا فاكر اخدتها مرة معايا اسوان
حياة وعملت معاك ايه
فرح صوتها العالى وضحكها وحركتها الكتير فرجت علينا اسوان كلها
بس والله كانت زى العسل المشكله بقى انى كل شويه اظبط واحد بيعاكسها وكمان جالها عريسين
حياة ههههههه هى فرح امورة وډمها زى العسل
طب وهى موافقتش على حد من اللى جالها
اسر هبله حتقولى ايه مع ان والله واحد من اللى اتقدمولها كان وكيل نيابه وكان عنده استعداد يجيب لها شقه فى اسكندريه بس هى فقريه
حياة معلش يااستاذ اسر حضرتك عارف اللى فيها وعارف ان قلبها مشغول
اسر مشغول باللى ميستحقش
قلبها ياحياة
حياة اكيد ڠصب عنها حضرتك عارف الحب ده مش بايدنا ده حاجه بتدخل القلب من غير استئذان
اسر بس انا والله نصحتها ويارب تكون سمعت للنصيحه
حياة انا حساها بقالها فترة متغيرة وعلى فكرة مبقتش بتضحك كتير زى الاول ولا بقت حركتها كتير لدرحة انى حساها بقت واحده تانيه
اسر انا خاېف عليها والله ياحياة فرح شغاله معايا بقالها كذا سنه بنت طيبه اوى عمرها ماشالت فى قلبها ولا عمرها حسدت ولا حقدت على حد
حياة حضرتك عارفها كويس بقى على كده
اسر بصي ياحياة انا الحمد لله بيبقى عندى نظرة فى الانسان اللى قدامى واقدر احكم عليه اذا كان كويس واللا لاء
وفرح اصلا باباها الله يرحمه كان ساعى هنا فى المكتب اول مافتحته كان على المعاش وطلب يشتغل عندنا بس بعد فترة قليله تعب اوى وجت فرح بنته ذانت لسه متخرجه وبتدور على شغل خلتها اشتغلت معانا والدها اتوفى وهى فضلت
وانا بثق فيها جدا وعمرى مافكرت اجيب حد يساعدها فى الشغل
لكن هى اللى كانت كل شويه تزن علية عشان اجيب حد يساعدها
حياة عشان كده وافقت انى اشتغل معاك فى المكتب
اسر بينه وبين نفسه ياااه لو تعرفي السببب اللى خلانى اشغلك معايا
حياة استاذ اسر حضرتك سرحت
اسر ايه بتقولى حاجه
حياة لا ابدا انا حقوم اشوف شغلى
اسر حياة
حياة نعم
اسر ابقى ارفعى شعرك بيبقى شكلك حلو اوى اكتر من وانتى سايباه
تبتسم حياة ابتسامه رقيقه له وتخرج من المكتب
بينما هو يؤنب نفسه
ايه يااسر فى ايه انت اټجننت ازاى تقولها كده
حتقول عليك ايه دلوقتى
يدق الباب ويدخل
اسر فارس
خير فى حاجه
فارس مفيش يااسور انت بس وحشتنى قلت اجى اشوفك
اسر تيجى تشوفنى ليه على اساس اننا مكناش مع بعض الصبح على الفطار
فارس وايه يعنى بس يااسر وفيها ايه
وبعدين اصل انت عندك ناس هنا فى المكتب يفتحوا نفس الواحد عالشغل عالصبح
اسر فارس احترم نفسك وياللا قوم غور على شغلك
فارس اخس
بقى دى مقابله تقابلها لفارس اخوك حبيبك
تدخل حياة وعلى يديها كوب من القهوة. اتفضل يااستاذ فارس
فارس ياااه وجايباها بنفسك
حياة بالف هنا
فارس الله احلى فنجان قهوة شربته فى حياتى بس ايه الجمال ده كله بجد انا بحسد اسر عليكى
حياة بخجل شكرا لحضرتك
اسر حياة اتفضلى على مكتبك
حياة پخوف من صوته بعد اذنكم
فارس فى ايه يااخى حرام عليك فجعت البنت بزمتك فى حد عسل كده يتزعق فى وشه
يقوم اسر من على مكتبه وياخذ فنجان القهوة من يديه ويضعه على المكتب ويمسكه من يديه ولا بقولك ايه شغل الصياعه ده مش علية انت تقوم دلوقتي وتورينى عرض قفاك واقسم بالله لو هوبت ناحية المكتب هنا تانى لكون ماسح بكرامتك الارض
فارس اخيييه بقى كده برضو حد يعمل فى اخوه كده
تما انا ياما كنت بعاكس فرح مكنتش بتتحمق كده ليه
اشمعنى يعنى حياة اللى زعلان اوى انى قلتلها كلمه حلوة
اسر امشي برة ياللا غور ويخرجه من المكتب
فيهندم فارس ملابسه
ويقول له خلاص بقى يااسر متزعلش اصلي مستعجل اوى واكيد حكررزيارتى تانى متزعلش بقى عشان ماشي حبقى اعدى عليك تانى يااسور
خلاص بقى متمسكش فية
كاد اسر ان ينفجر من الغيظ
بينما حياة كانت تضحك بشده على منظر فارس وهو يهندم ملابسه
فيقترب منها سلام ياقمر انتى
فيجد اسر يقترب منه
فيهرب خارج المكتب ويقوم بالاتصال سريعا على ملك
ملك ايه الاخبار
فارس ههههههه ههههههه
كان نفسي تشوفى منظره
ملك يعنى بيحبها
ارس بيحبها بس قولى بېموت فيها يابنتى انا عمرى ماشوفته بيغير على واحده غير جنى الله يرحمها
دلوقتى شفت نفس الغيرة دى
ملك زب الخطوه الجايه ايه
فارس سيبيها علية المهم بقولك ايه
انا حاخدك ونسافر شرم يومين
ملك بجد بجد يافارس
فارس طبعا ياقلب فارس
ملك طب بقولك ايه عندى طلب وياريت مترفضش
فارس الجميل يؤمر وانا انفذ
ملك نور من يوم مافكت الجبس وهى مبتخرجش ايه رايك ناخدها معانا تغير جو
فارس اممممن مع انى كنت عاوز استفرد بيكى ياموزتى بس خلاص ولا يهمك ناخدها معانا
ملك بس انت اللى تقولها عشان تفرح وتعرف انت اد ايه بتحبها
فارس ملك هو انا قلتلك قبل كده انى بعشق اهلك
ملك ههههههه
فارس لاء بقولك ايه اتلمى انا فى الشارع الناس حاافرج علية وتبقى ڤضيحه
ملك ههههههه ههههههه ههههههه
فارس يالهوى يخرببيت سنينك
كان فارس يتابعه وهو يتحدث فى الهاتف من نافذة المكتب فخاف ان يكون يتحدث الى حياة
خرج ليفتح باب المكتب ليجدها تغلق الهاتف
فظن انه كان يتحدث اليها
اسر پغضب ياريت ياحياة المكالمات الخاصه متكونش فى وقت العمل
حياة اسفه حضرتك بس دى كانت مكالمه مهمه
يدخل اسر مكتبه وهو فى قمة غضبه ايه ده معقوله بكون فارس كان بيكلمها
لالا مش معقوله ده علاقته اتحسنت اوى بملك
ايوة بس هو عينه منها
لا
لا الا حياة
تدخل حياة اليه
استاذ اسر بعد اذنك كنت عاوزة استئذن حضرتك
اسر خير ياحياة فى حاجه
حياة ايوة حضرتك بس فى مشوار ضروري ولازم اروحه
اسر جهزيلى الملف المطلوب واتفضلي
تضع امامه الملفات وتخرج سريعا فيراها من النافذه وهى توقف تاكسي وتركبه سريعا فيتصل على اخيه
فارس ايه يااسور لحقت
وحشتك
اسر انت فين
فارس ايه عاوز تيجى معايا
اسر اخلص قول انت فين واللا رايح تقابل مين
فارس وانت مالك يااسر بتسال ليه انت عينت نفسك وصي علية واللا تكونش ملك طلبت منك تراقبني
اسر يعنى انت مش عاوز تقول انت فين
فارس ههههههه لا ياسيدي حقولك انا فى مطعم معايا ناس
اسر ناس مين
فارس شغل شغل يااسر فى ايه مالك
يغلق اسر فى وجهه الهاتف وهو يزفر بشده
لا لامش معقول حياة متعملش كده
ايوة احساسي بيقوللى انها مش كده لاء لاء تقع عينه على صورة جنى
يمسك الصورة بيديه فيجدها تنظر اليه بابتسامتها الجميله التى كان يعشقها وقد ظهرت غمازتها فى الصورة
فيرجع بذكرياته معها
اسر جنى بقولك ايه حبيبي
جنى وهى تربط له رابطة عنقه
قول ياروح قلب جنى
فارس عندى قضيه كمان يومين فى البحيرة
جنى وهى تقفز كالاطفال هييييييييييه يبقى حاجى معاك حاجى معاك
اسر بس دى ارياف وممكن متنبسطيش هناك
جنى وهى تحتضنه حبيبي اى مكان تكون بتتنفس فيه واكون سامعه فيه دقات قلبك يبقى جنه بالنسبة لي
تنزل منه دمعه من عينيه على صورتها
جنى حبيبتى اوعى تزعلى منى حقك علية يااغلى الناس والله ڠصب عنى ڠصب عنى مش بأيدي
سامحينى ياجنى سامحينى ويقبل الصورة ويضعها مكانها على المكتب
تدق عليهم الباب
ام علا تعالى ياحياة ادخلى ياحبيبتى
حياة الف سلامه على ابو علا ماله
ام علا معرفش ياحياة صحى من النوم يشتكى ان عنده صداع جامد اوى اديتله برشامه ونام
ثم تبكى
حياة علا انتى بتعيطى ليه بس
ماكلنا بيجيلنا صداع
ام علا خاېفه عليه اوى باحياة سعيد عمره مااشتكى ابدا وطول عمره حمال اسيه وميشتكيش غير للشديد القوى انا خاېفه عليه ياريت اى حاجه وحشه تحصللى انا وهو لاء
حياة حبيبتى لاانتى ولا هو ربنا يخليكم لولادكم يارب ويديم بينكم المحبه
علا يارب ياحياة يارب هو اللى يربي ولاده يارب
يخرج اليهم ابو علا
ايه ياعلا هو انا خلاص مۏت وانتى بتعيطى علية طب ومش لابسه اسود ليه بالمرة
ام علا بعد الشړ عنك ان اشالله عدوينك يارب
ربنا يخليك لينا ياحبيبي ده احنا كلنا فداك ياابو علا
ابو علا وهو يطبطب عليها طب اهدى كده واستهدى باالله مفيش حاجه ياعلا دول شوية صداع وراحوا لحالهم
حياة الف سلامه عليك ياابو علا طب بقولك ايه احنا نىروح نكشف ونطمن
ابو علا وكمان قلقتى البنت وخليتيها
تسيب شغلها وتيجى على ملا وشها
ليه بس كده ياعلا
حياة ليه بتقول كده ياابو علا هو انا مش اختكم واللا ايه
ثم انهمرت الدموع من عينيها
طب والله العظيم وربنا العالم ان اول ما بلغتنى علا انك تعبان انا كنت حموت من القلق عليك
هو انا لية مين غيركم ده انتوا كل اهلى وكل دنيتى ربنا ميحرمنيش من حد منكم يارب ولا يوجع قلبي على حد فيكم
ټحتضنها علا سلامة قلبك ياحياة
ده انتى اختى ياحياة
يتاثر ابو علا جدا فياخذ الاثنتين فى احضانه ربنا يخلينا لبعض يارب وميدخلش بينا شيطان
ويفرحنا بيكى ياحياة واشوفك احسن دكتورة فى الدنيا
حياة وهى تمسح دموعها يبقى خلاص نروح للدكتور ونطمن
ابو علا حاضر ياستى نروح للدكتور
فى منزل داليا
داليا ماما انا رايحه النهارده ازور كريم
امها تزورى كريم فين انتى اتجننتى
داليا حرام عليكم ياماما كريم ده حب عمرى انا لايمكن حسيبه او اتخللى عنه
يدخل عليها ابوها مش عاوزة تتخللى عن مين ياعين ابوكى خلاص ياحبيبتى كريم دلوقتى مرمى فى السچن وياعالم حيخرج بعد كام سنه ايه عاوزة اضيعى شبابك وانتى قاعده مستنياه
اسم كريم ده مش عاوز اسمعه تانى انتى فاهمه واعملى حسابك بكرة فى عريس جايلك محاسب شغال فى بنك وجاهز من كله
ولو عجبتيه حنقرا الفاتحه واجوزك
داليا وهى تبكى لا والنبي يابابا انا مش عاوزة اتجوز
والنبي ابوس ايدك متجوزنيش انا مقدرش اتجوز غير كريم
ابوها وهو يمسكها من شعرها پعنف ليه يابت