حكايه حماتى وبناتى التؤام

جسمك يبوظ ولا ايه 
لازم العيال يشبعوا من حنانك ولا انتي شايفه اي
دينا 
هاه لا ياحماتي ايه الكلام ده اصل هما اللي مرضوش يرضعو مني والدكتور قالي مفيهاش مشكلة ويرضعو لبن صناعي عادي جدا
الحما 
وهو الصناعي ده بيغذي العيال ده بيجيب الأمراض وبس وانت موافق على الكلام ده يا أمير انت بيتك هيتخرب في اللبن يابني
أمير 
طيب هنعمل ايه بس يا أمي هما نصيبهم كده وربنا يسترها عليهم وان شاء الله بكرة يكبروا ويبقو احلى بنات في الدنيا كلها
الحما 
طيب ياحبيبي براحتك انت والشملولة انا نازله شقتي مش عايز مني حاجة

دينا 
عايزين سلامتك ياحماتي ما انتي قاعده شوية مستعجله ليه ده لسه بدري حتى
الحما 
بدري من عمرك ياختي وسعي كده خليني انزل تحت
وبعدها حماتها نزلت ووقفت دينا جنب امير وفضلت تضحك وتقوله بزمتك مش قمرات شبهي مش كده
أمير 
لا هما الصراحة حلوين ليا انا انا اللي احلى منك يادودي
دينا 
ياسلام ياحبيبي لا لا انسي البنات دي هتطلع شبهي انا وبكرة هفكرك لما تلاقيهم قمرات والعرسان واقفين على بابك بالطابور كده
أمير 
يارب ياحبيبتي يدينا انا وانتي العمر اللي نشوفهم عرايس قد الدنيا
دينا 
يارب ياحبيبي يارب
وعند هيام اللي حزينة وقافله على نفسها حماتها قالت لعماد
الحما 
هي مراتك هتفضل شايله الهم والنكد كده طول العمر اومال لو كانو كبرو قدمها وبقو يلعبو ويتنططو وراحو منها فجأه كانت عملت ايه كانت راحت وراهم ولا ايه
عماد 
يا أمي ارجوكي ملوش لازوم الكلام ده ارجوكي هيام فيها اللي مكفيها وبعدين دول حته منها يا أمي يعني لازم تحزن اذا كان انا حزين بس مش عايز ابين عشان محدش يشيل الهم اكتر من كده
الام 
خلاص يابني ربنا يعوض عليكم بقا المهم دلوقتي هي بس تتعفا كده وانت تشد حيلك وتجيب لنا المره الجايه ولدين في بطن واحده
عماد 
يوووه انتي مفيش فايدة من الكلام معاكي ياأمي انا ماشي وسيبها لك خالص
الحما 
بس بس يا عين امك هو انت اي 
ناوي تطلع فيا علشان خاطر السنيوره ولا اي
عماد 
كان لازم تشوف عيالها يا امي مينفعش 
اللي انتي عملتي ده
الحما 
اه يايني ياللي طول عمري مظلومه باني 
انا غلطانه يا ابني أن خۏفت عليها 
من الصدمه
عماد 
خلاص يا امي متزعليش بس هي 
تعبت اوي والله وكان نفسها 
تفرح قلبي ب حته عيل
الحما 
النصيب يا حبيبي ولو مش هي 
قادره تجيب ليك العيل اللي انت
عايزو منها بكره اجوزك ست ستها 
وتقدر تجيب العيال اللي نفسك فيه
عماد 
مافيش فايده فيكي يا امي عارف 
انك مش هتتغيري
وفي شقة سمير قال لشرين مراتة 
بس مش غريبة ياشرين ان اختك دينا تخلف تؤام بنتين برضو زي هيام مرات عماد اخويا
شرين 
ها ااا ااه صح ياحبيبي تصدق انا مكنتش واخده بالي خالص ده سبحانة والله دي فعلا صدفه غريبة جدا يعني بس الحمد لله ان بنات اختي زي الفل
سمير 
ايوه عندك حق برضو ربنا يبارك لها فيهم وتفرح بيهم يارب طيب انا هنزل انا بقا عشان رايح مشوار مهم
ونزل سمير وسابها وافتكرت لما راحت اتفقت مع الممرضة وقالت لها
فلاش باك
شرين. 
ها يابت ياعبير عرفتي هتعملي ايه هتاخدي البنتين وتوديهم اوضة تانيه لحد لما انا اجي اخدهم عشان ننفذ اللي اتفقنا عليه
عبير 
خلاص والله يا ابله شرين انا حفظت صم متقلقيش انتي من اياتها حاجة وبعدين هو انا يعني غريبة عن الشغلانة دي انا بعملها من زمان
شرين 
ماشي ياعبير وادي نص حسابك ولما الحكايه تخلص وتبقا تمام هديكي أدهم تاني ماشي انتي بس صحصحي معايا وانتي تاكلي الشهد حماتي دي على قلبها فلوس بالهبل
عبير 
اطمني وحطي في بطنك شادر بطيخ ياست شرين انا